Vitor Roke “Barselona”ga 2024 yilning yanvarida kelib qo‘shilgan edi. Braziliyalik futbolchi so‘nggi mavsumning ikkinchi qismini asosan zaxira o‘rindig‘ida o‘tkazdi, ammo bu mavsumda u "Betis"ga ijaraga berildi.
Andalusiya klubi bu hafta oxirida "blaugrana" bilan to‘qnash keladi va Vitor Roke kataloniyaliklar bilan uchrashishni intiqlik bilan kutayotganini ta’kidladi.
"Agar "Barsa"ga gol ursam, buni nishonlamayman. Asta-sekin "Betis"ga moslashyapman, qat’iyat va mehnat bilan hammasi yaxshi bo‘ladi va endi jamoaga yordam berish uchun gollar urmoqchiman", - deydi braziliyalik futbolchi.
Joriy mavsumda Vitor Roke 18 ta o‘yin o‘tkazib, 5 ta gol urishga erishdi.
