Витор Роке “Барселона”га 2024 йилнинг январида келиб қўшилган эди. Бразилиялик футболчи сўнгги мавсумнинг иккинчи қисмини асосан захира ўриндиғида ўтказди, аммо бу мавсумда у "Бетис"га ижарага берилди.
Андалусия клуби бу ҳафта охирида "блауграна" билан тўқнаш келади ва Витор Роке каталонияликлар билан учрашишни интиқлик билан кутаётганини таъкидлади.
"Агар "Барса"га гол урсам, буни нишонламайман. Аста-секин "Бетис"га мослашяпман, қатъият ва меҳнат билан ҳаммаси яхши бўлади ва энди жамоага ёрдам бериш учун голлар урмоқчиман", - дейди бразилиялик футболчи.
Жорий мавсумда Витор Роке 18 та ўйин ўтказиб, 5 та гол уришга эришди.
