"Chelsi" bosh murabbiyi Enso Mareska o‘z jamoasi yarim himoyachisi Moyzes Kaysedoni maqtadi. 23 yoshli ekvadorlik bu mavsumda “ko‘klar”ning asosiy o‘yinchisiga aylandi.
Mareskadan Kaysedoning "Manchester Siti"dagi Rodri va "Arsenal"dagi Deklan Rays bilan taqqoslanishi haqida so‘rashdi.
"U, albatta, hozir shunday darajada, bunga hech qanday shubha yo‘q. Afsuski, Rodri jarohat olgan, ammo Deklan o‘ynayapti. Menimcha, Moyzes bunday yarim himoyachi bilan bir stolda o‘tirishi mumkin", - deydi murabbiy.
