Premyer-liga to‘purarlari ro‘yxatida Erling Xoland Muhammad Salohga tenglashib oldi.

Angliya chempionatining 15-turi doirasida “Kristal Pelas” o‘z maydonida “Manchester Siti”ni qabul qilmoqda (1:1, tanaffus).

“Siti” hujumchisi Erling Xoland 30-daqiqada hisobni tenglashtirdi.

Bu norvegiyalikning joriy mavsumdagi Premyer-ligadagi 13-goli bo‘lib, uning golli uzatmasi ham bor.

Xoland chempionat to‘purarlari ro‘yxatida Muhammad Salohga yetishib oldi. “Liverpul” hujumchisi 14 ta o‘yinda 13 ta gol urdi va 8 ta golli uzatmani amalga oshirdi.