«Manchester Siti» yarim himoyachisi Bernardu Silva jamoaning APL turnir jadvalidagi hozirgi holati haqida fikr bildirdi.

15 o‘yindan so‘ng 27 ochko to‘plagan «shaharliklar» Angliya chempionatida noodatiy to‘rtinchi o‘rinda bormoqda. Yuqoridagi o‘rinlarni «Liverpul» (35 ochko), «Chelsi» va «Arsenal» (har biri 28 ochko) egallab turibdi – ularning barchasi «Siti»dan bir o‘yin kam o‘tkazgan.

«Albatta, biz boshqacha pozisiyada bo‘lishni xohlaymiz», dedi Bernardu Silva. «Agar jarohat olgan futbolchilarimizni tezda tiklasak, buni uddalay olamiz, deb aytgan bo‘lardim. Ammo hozir biz boshqa narsa haqida qayg‘urishimiz kerak - biz to‘rtinchi yoki beshinchi o‘rinlarda ekanmiz, yuqori o‘rinlar haqida gap bo‘lishi mumkin emas.

Har bir keyingi o‘yinda g‘alaba qozonish uchun harakat qilishimiz kerak. Oxirgi bir yarim oyda yetarlicha o‘yin ko‘rsata olmadik», - deydi portugaliyalik xavbek.