«Манчестер Сити» ярим ҳимоячиси Бернарду Силва жамоанинг АПЛ турнир жадвалидаги ҳозирги ҳолати ҳақида фикр билдирди.

15 ўйиндан сўнг 27 очко тўплаган «шаҳарликлар» Англия чемпионатида ноодатий тўртинчи ўринда бормоқда. Юқоридаги ўринларни «Ливерпуль» (35 очко), «Челси» ва «Арсенал» (ҳар бири 28 очко) эгаллаб турибди – уларнинг барчаси «Сити»дан бир ўйин кам ўтказган.

«Албатта, биз бошқача позицияда бўлишни хоҳлаймиз», деди Бернарду Силва. «Агар жароҳат олган футболчиларимизни тезда тикласак, буни уддалай оламиз, деб айтган бўлардим. Аммо ҳозир биз бошқа нарса ҳақида қайғуришимиз керак - биз тўртинчи ёки бешинчи ўринларда эканмиз, юқори ўринлар ҳақида гап бўлиши мумкин эмас.

Ҳар бир кейинги ўйинда ғалаба қозониш учун ҳаракат қилишимиз керак. Охирги бир ярим ойда етарлича ўйин кўрсата олмадик», - дейди португалиялик хавбек.