Birinchi o‘rta vaznda sobiq jahon chempioni Isroil Madrimovning 21 dekabr kuniga belginlangan jangi o‘tkazilmaydigan bo‘ldi.

Charm qo‘lqop ustamiz shu kuni Saudiya Arabistoni poytaxti Ar-Riyod shahrida ukrainalik Sergey Bogachukka qarshi ringga chiqishi kerak edi. Ammo o‘tkir bronxit, ya’ni Isroilning betobligi sababli ushbu jang bekor qilindi. Bu ma’lumotni jang tashkilotchisi, Saudiya Arabistoni ko‘ngilochar boshqarmasi boshlig‘i Turki Al ash-SHeyx ham tasdiqladi.

"Bugun kechqurun shifokorlar Isroil Madrimovning o‘tkir bronxit bilan kasallanganini tasdiqlashdi. Shu boisdan uning Sergey Bogachukka qarshi 21 dekabr kuniga belgilangan jangi o‘tkazilmaydi. Isroilning o‘rnini britaniyalik bokschi Ismael Salas egallaydi. Madrimov esa endi 22 fevral kuni vaqtinchalik WBC chempioni Verjil Ortisga qarshi kechadigan jangiga tayyorgarlik ko‘radi", - dedi Al ash-SHeyx.

"Sergey hech ikkilanishsiz Madrimov bilan jangga rozilik bergandi. Isroil betob bo‘lib qolganidan juda afsusdaman. Bogachuk yangi berilgan raqib Ismael Salasni ham xotirjam qabul qildi. Sergey bu diviziondagi kuchli jangchi ekanini isbotlashda davom etadi. U Turki Al ash-SHeyx va Riyadh Season tomonidan bo‘layotgan qo‘llab-quvvatlovni hamisha his qilib turadi", — deya vaziyatga munosabat bildirdi Sergey Bogachukning promouteri Tom Leffler.