"Real"ning sobiq futbolchisi Xames Rodriges sobiq jamoadoshi Luka Modrichning o‘yinidan hayratda ekanligini yashirmadi.

Ilgari kolumbiyalik va xorvatiyalik "Qirollik klubi"da birga o‘ynashgan. Shanba kuni yarim himoyachilar Madrid derbisida bir-birlariga qarshi o‘ynashlari mumkin - "Rayo Valyekano" o‘z uyida "Real"ni qabul qiladi.

"Modrich daho, oddiygina daho. Men u bilan o‘ynash imkoniyatiga ega bo‘ldim va u yoshi o‘tgan sain yaxshilanib bormoqda - u qanchalik katta bo‘lsa, shunchalik sifatga ega bo‘ladi. O‘shanda ham u juda va juda zo‘r edi va hozir u daho", - dedi Xames.