«Vest Xem» bosh murabbiyi Xulen Lopetegi o‘tgan hafta «Vulverxempton» ustidan qozonilgan g‘alabadan keyin unga nisbatan bosim pasayganmi, degan savolga javob berdi.
«Bizning ishimizda bosim doimo mavjud. Gap Premyer-liga haqida bormoqda, shuning uchun har bir uchrashuv juda qiyin. Lekin shu bilan birga, har bir uchrashuv juda yaxshi imkoniyat va qiyinchilikdir. Biz «Bornmut»ga qarshi o‘yinda o‘zimizning eng yaxshi o‘yinimizni ko‘rsatishga tayyor bo‘lish uchun astoydil harakat qilyapmiz.
Men har doim ishimdan zavqlanaman. Menga bu yerda bo‘lish va «Vest Xem»ga murabbiylik qilish yoqadi. Bizning startimiz biz xohlagandek bo‘lmadi, lekin menimcha, biz yaxshilanmoqdamiz. Sizni ishontirib aytamanki, biz bosqichma-bosqich yaxshilanib, kerakli darajaga erishamiz», dedi Lopetegi jurnalistlarga.
Avvalroq, Xulen Lopetegi yaqin haftalarda iste’foga chiqarilishi mumkinligi haqida mish-mishlar tarqalgandi.
