SSKAning sobiq futbolchisi Dmitriy Xomuxa moskvaliklar yarim himoyachisi Abbosbek Fayzullayevning kelajagi haqida fikr bildirdi.

Faxriy futbolchi Abbos Ispaniya chempionatiga o‘tmasligi kerakligini ta’kidladi. Futbolchi Niderlandiya yoki Belgiyadan kelgan takliflarni ko‘rib chiqishi kerak.

"U yerda o‘yin darajasi, shiddat juda yuqori. Abbos eng ajoyib jismoniy xususiyatlarga ega emas. Bu uning kuchli tomoni emas. Niderlandiya va Belgiya chempionatlari uning o‘yiniga mos tushadi. O‘sha yerda u o‘zini to‘liq anglashi mumkin bo‘ladi", - dedi Xomuxa.

Abbosbek Fayzullayev SSKA safida barcha turnirlarda 55 ta o‘yin o‘tkazgan. Ularda u sakkizta gol urdi. O‘zbekistonlik futbolchi urilgan gollardan tashqari 20 ta golli uzatmani ham amalga oshirdi.