«Manchester Siti» himoyachisi Kayl Uoker ijtimoiy tarmoqlarda irqiy haqoratlarga uchradi. Jamoa bosh murabbiyi Xosep Gvardiola bu borada fikr bildirdi.
«Avvalo shuni aytmoqchimanki, buni qabul qilib bo‘lmaydi. Faqat Kayl haqida bo‘lgani uchun emas. Bu har qanday odamga tegishli. Afsuski, bunday voqealar dunyoda ko‘p marta sodir bo‘ladi. Albatta, Uokerni butun klub qo‘llab-quvvatlamoqda», dedi Gvardiola juma kuni bo‘lib o‘tgan matbuot anjumanida.
«Manchester Siti» yakshanba kuni o‘z uyida «Manchester Yunayted»ga qarshi bahs olib boradi.
