Angliyaning "Vulverxempton" klubi tez orada jamoa bosh murabbiyini almashtirishi mumkin. Transfer News Live nashrining Football Insider nashriga tayanib xabar berishicha, Gari O'Nil "bo‘rilar" bosh murabbiyi lavozimidan bo‘shatilishi mumkin. Hammasi jamoaning shanba kuni bo‘lib o‘tadigan APL doirasidagi "Ipsvich"ga qarshi o‘yinidagi natijasiga bog‘liq bo‘ladi.
"Vulverxempton" Angliya chempionati turnir jadvalida so‘nggi o‘rinni egallab turibdi. O‘tgan o‘n besh turda O'Nil shogirdlari bor-yo‘g‘i to‘qqiz ochko to‘plashga muvaffaq bo‘lishdi.
