"Manchester Siti" bosh murabbiyi Xosep Gvardiola jamoaning muvaffaqiyatsiz natijalari haqidagi savollarga javob berishda davom etmoqda.
Amaldagi Angliya chempionlari barcha turnirlarda so‘nggi o‘nta o‘yinda yettita mag‘lubiyatga uchragan va bor-yo‘g‘i bir marta g‘alaba qozongan. Shanba kuni "shaharliklar" o‘z maydonida "Manchester Yunayted"ga qarshi o‘ynaydi.
"Agar bir oy oldin, biz APLda peshqadam bo‘lganimizda va mag‘lubiyatsiz yagona jamoa bo‘lganimizda, siz menga o‘nta o‘yindan yettitasida mag‘lub bo‘lamiz deb aytganingizda, men: "Siz aqldan ozibsiz, bu mumkin emas," deb javob bergan bo‘lardim. Lekin bu sodir bo‘ldi! Va bu bilan mag‘lubiyatlarimiz hali tugamagan bo‘lishi mumkin," - dedi Gvardiola.
