"Манчестер Сити" бош мураббийи Хосеп Гвардиола жамоанинг муваффақиятсиз натижалари ҳақидаги саволларга жавоб беришда давом этмоқда.
Амалдаги Англия чемпионлари барча турнирларда сўнгги ўнта ўйинда еттита мағлубиятга учраган ва бор-йўғи бир марта ғалаба қозонган. Шанба куни "шаҳарликлар" ўз майдонида "Манчестер Юнайтед"га қарши ўйнайди.
"Агар бир ой олдин, биз АПЛда пешқадам бўлганимизда ва мағлубиятсиз ягона жамоа бўлганимизда, сиз менга ўнта ўйиндан еттитасида мағлуб бўламиз деб айтганингизда, мен: "Сиз ақлдан озибсиз, бу мумкин эмас," деб жавоб берган бўлардим. Лекин бу содир бўлди! Ва бу билан мағлубиятларимиз ҳали тугамаган бўлиши мумкин," - деди Гвардиола.
