«Chelsi» markaziy himoyachisi Aksel Disasi qishki transfer oynasida klubini o‘zgartirishi mumkin.

26 yoshli futbolchi Enso Mareska kubok bahslarida foydalanadigan «ko‘klar»ning ikkinchi jamoasi tarkibiga kiradi. Fransiyalik futbolchi joriy APLda bor-yo‘g‘i 3 marta maydonga tushdi. «TBR Football» xabariga ko‘ra, «Vest Xem» Disasi bilan shartnoma imzolamoqchi. «Bolg‘achilar» futbolchini yanvarda ijaraga olmoqchi.

«Chelsi» Aksel Disasini «Monako»dan 2023 yilning yozida 45 million yevro evaziga sotib olgan edi. Markaziy himoyachining amaldagi mehnat shartnomasi 2029 yilning o‘rtalariga qadar tuzilgan.