«Челси» марказий ҳимоячиси Аксель Дисаси қишки трансфер ойнасида клубини ўзгартириши мумкин.

26 ёшли футболчи Энцо Мареска кубок баҳсларида фойдаланадиган «кўклар»нинг иккинчи жамоаси таркибига киради. Франциялик футболчи жорий АПЛда бор-йўғи 3 марта майдонга тушди. «TBR Football» хабарига кўра, «Вест Хэм» Дисаси билан шартнома имзоламоқчи. «Болғачилар» футболчини январда ижарага олмоқчи.

«Челси» Аксель Дисасини «Монако»дан 2023 йилнинг ёзида 45 миллион евро эвазига сотиб олган эди. Марказий ҳимоячининг амалдаги меҳнат шартномаси 2029 йилнинг ўрталарига қадар тузилган.