Madridning “Real” klubi “Liverpul” va Vengriya terma jamoasi yarim himoyachisi Dominik Soboslaini o‘z yarim himoyasini kuchaytirish varianti sifatida ko‘rib chiqmoqda. O‘yinchining qimmatligi transferga to‘sqinlik qilishi mumkin. "Liverpul" Soboslaini 100 million yevro evaziga qo‘yib yuborishga tayyor.
24 yoshli markaziy yarim himoyachi 2023 yilning iyul oyida "RB Leypsig"dan ingliz klubiga o‘tgan edi. Uning shartnomasi 2028 yilning iyunigacha amal qiladi.
Joriy mavsumda Soboslai barcha turnirlarda 22 ta o‘yin o‘tkazib, 2 ta gol urdi va 3 ta golli uzatmani amalga oshirdi.
