Мадриднинг “Реал” клуби “Ливерпуль” ва Венгрия терма жамоаси ярим ҳимоячиси Доминик Собослаини ўз ярим ҳимоясини кучайтириш варианти сифатида кўриб чиқмоқда. Ўйинчининг қимматлиги трансферга тўсқинлик қилиши мумкин. "Ливерпуль" Собослаини 100 миллион евро эвазига қўйиб юборишга тайёр.
24 ёшли марказий ярим ҳимоячи 2023 йилнинг июл ойида "РБ Лейпциг"дан инглиз клубига ўтган эди. Унинг шартномаси 2028 йилнинг июнигача амал қилади.
Жорий мавсумда Собослаи барча турнирларда 22 та ўйин ўтказиб, 2 та гол урди ва 3 та голли узатмани амалга оширди.
