Professional bokschimiz Qudratillo Abduqahhorov Meksikada o‘tkazilgan professional boks oqshomida ringga ko‘tarildi.

Hamyurtimiz mazkur jangda mezbon bokschi Xorxe Garciya Peresga qarshi jang qildi. O‘n raundlik jang to‘liq davom etdi va unda afsuski, bokschimiz 92-99, 90-99, 90-99 hisoblarida imkoniyatni boy berdi.

Bu Qudratilloning prof boksda o‘tkazgan 24-jangi bo‘ldi. Charm qo‘lqop ustamiz janglarning 20 tasida g‘alaba qozongan. Bugungi mag‘lubiyat uning faoliyatidagi to‘rtinchisi bo‘ldi.

Xorxe Garciya Peres esa 36 ta jangda 32 g‘alaba va Qudratillo singari 4 ta mag‘lubiyat qayd etgan.