"Manchester Siti" bosh murabbiyi Pep Gvardiola APLning 16-turida "Manchester Yunayted"dan uchralgan mag‘lubiyatdan so‘ng, "shaharliklar"ning muvaffaqiyatsiz seriyasi haqida gapirdi.
"Siti" barcha musobaqalardagi so‘nggi 11 o‘yinda 8-mag‘lubiyatga uchradi. "Manchester Yunayted"ga qarshi o‘yinda Gvardiola shogirdlari 88-daqiqagacha oldinda borgan bo‘lsada, yakunda ikkita gol o‘tkazib yubordi va mag‘lub bo‘ldi.
"Bu yil, afsuski, bu tez-tez sodir bo‘ldi. Bizda mag‘lubiyatlar ko‘p. O‘ylaymanki, bu to‘qqiz yildagi eng og‘ir mag‘lubiyat emas edi. Chempionlar ligasidagi mag‘lubiyatlar og‘irroq bo‘ldi. Ammo endi kayfiyatimizni ko‘tarish uchun natijalar kerak. Borgan sari kayfiyat yomonlashyapti. Men yechim topishim kerak", dedi Gvardiola Sky Sports nashriga.
