"Barselona" yarim himoyachisi Pedri jamoaning "Leganes"ga (0:1) qarshi o‘yindagi omadsizligini tushuntirdi.
Mehmonlar 4-daqiqadayoq gol urishdi va final hushtagigacha o‘z ustunligini saqlab qolishdi.
"Katta umidsizlik. O‘ylaymanki, o‘yin boshida konsentrasiya yetishmadi. Muvaffaqiyatsiz seriyadan keyin La Ligada yaxshilanishimiz kerak.
Chempionlar ligasida ancha yaxshi ishlayapmiz. Biz taqvim tig‘izligi tufayli yutqazgan bo‘lishimiz mumkin, ammo bu bahona emas.
Biz Chempionlar ligasida qanday o‘ynasak, La Ligada ham xuddi shunday o‘ynashimiz kerak. Men juda jahldorman.
Ha, bugun ko‘plab vaziyatlar yaratdik, ammo gol urmasdan g‘alaba qozonib bo‘lmaydi", - deya Pedrining so‘zlaridan iqtibos keltiradi Managing Barca.
