"Barselona" bosh murabbiyi Xans-Diter Flik jamoa hujumchisi Robert Levandovskiga boshqacha munosabatda bo‘la boshladi.

Jurnalist Sergi Kapdevilaning so‘zlariga ko‘ra, 36 yoshli polyak endi Flik uchun daxlsiz emas, agar forvard juda yaxshi o‘yinga ega bo‘lmasa, u almashtiriladi va keyingi o‘yin uchun tarkibdan joy ololmasligi mumkin. Qayd etilishicha, bu endi jamoadagi barcha futbolchilarga tegishli.

Joriy mavsumda Levandovski barcha turnirlar doirasida 23 ta uchrashuvda ishtirok etib, 23 ta gol urdi va 2 ta golli uzatmani amalga oshirdi.

O‘tgan dam olish kunlari “Barselona” o‘z maydonida “Leganes”ga 0:1 hisobida mag‘lub bo‘lgan bo‘lsa-da, La Ligada birinchi o‘rinda qoldi.