"Барселона" бош мураббийи Ханс-Дитер Флик жамоа ҳужумчиси Роберт Левандовскига бошқача муносабатда бўла бошлади.
Журналист Серги Капдевиланинг сўзларига кўра, 36 ёшли поляк энди Флик учун дахлсиз эмас, агар форвард жуда яхши ўйинга эга бўлмаса, у алмаштирилади ва кейинги ўйин учун таркибдан жой ололмаслиги мумкин. Қайд этилишича, бу энди жамоадаги барча футболчиларга тегишли.
Жорий мавсумда Левандовски барча турнирлар доирасида 23 та учрашувда иштирок этиб, 23 та гол урди ва 2 та голли узатмани амалга оширди.
Ўтган дам олиш кунлари “Барселона” ўз майдонида “Леганес”га 0:1 ҳисобида мағлуб бўлган бўлса-да, Ла Лигада биринчи ўринда қолди.
