SSKA bosh murabbiyi Marko Nikolich jamoasining yosh yarim himoyachisi Abbosbek Fayzullayevning salohiyati haqida fikr bildirdi. Serbiyalik mutaxassisning ta’kidlashicha, o‘zbekistonlik futbolchi kelajakda Yevropa darajasida o‘ynash salohiyatiga ega.  

— Sizcha, Fayzullayevning karyerasi qanday rivojlanmoqda?  

— Kelajakda kuchli o‘yinchi bo‘lishi aniq. Bu yilda ham uning samaradorligi avvalgidek. Yaxshi, ammo yana ozgina kuchayishi kerak, deb o‘ylayman. Ikkinchi yilni birinchisidan yuqori darajada o‘tkazishi zarur. Mavsumning bir qismida bizda sakkiz-to‘qqizta o‘yindaye iborat mag‘lubiyatsiz seriya bo‘lgandi. O‘sha paytda jamoamizni oldinga tortayotganlar Vanya Oblyakov va Fayzullayev edi — ularning gollari va assistlari orqali.  

Fayzullayev haqida gapirsak, u mavsumni biroz yomon boshladi, chunki Olimpiya o‘yinlarida qatnashgani uchun yig‘inlardan bizdan ajralgan edi, keyin qayta qo‘shildi. Ammo shundan so‘ng u o‘sishda davom etdi. Qatorisiga uch-beshta o‘yinda eng yaxshi futbolchi bo‘ldi. Albatta, hozirda biroz pasayish bo‘lyapti. Hozir jamoada mas’uliyatni boshqalar olishi kerak. Fayzullayev esa so‘nggi besh o‘yinda bor kuchini sarflashi zarur, shu yo‘l bilan unga jiddiy tayanish mumkinligini ko‘rsatadi.  

U 21 yoshda, yosh yigit, Osiyoning eng yaxshi yosh o‘yinchisi. Hozir uni kuzatish juda qiziq — u bulutlarda uchib yuradimi yoki yerda sobit qoladimi. Uning kelajagi bor. U chet elda o‘ynashi aniq. Bunga uning salohiyati yetarli, — dedi Nikolich «Komment.SHou» YouTube-kanaliga bergan intervyusida.