Nikolo Skiraning so‘zlariga ko‘ra, "Empoli" va "Monsa" "Milan"ning o‘ng qanot himoyachisi Filippo Terrachchianoni ijaraga olmoqchi.

21 yoshli italiyalik futbolchi 2024 yilning yanvar oyidan beri "Milan"da to‘p tepmoqda, o‘shanda u "Verona"dan 4,5 million yevro evaziga ko‘chib o‘tgan edi.

Joriy mavsumda u klub safida barcha turnirlarda 5 ta o‘yinda maydonga tushdi (449 daqiqa).

Terrachchiano oxirgi marta 3 dekabr kuni Italiya kubogi doirasida "Sassuolo"ga qarshi o‘yinda (6:1) maydonga tushgan edi.

Futbolchining klub bilan amaldagi shartnomasi 2028 yilning yoziga qadar mo‘ljallangan.