15-17-dekabr kunlari Buxorodagi sport maktabi manejida Bolalar va o‘smirlar sport maktablari o‘rtasida O‘zbekiston chempionati bo‘lib o‘tdi.

U-13 va U-15 yosh toifasidagi dzyudochilar o‘rtasida tashkil etilgan mamlakat birinchiligida Qoraqalpog‘iston Respublikasi, barcha viloyatlar hamda Toshkent shahrida faoliyat yuritayotgan Bolalar va o‘smirlar sport maktablarining iqtidorli dzyudochilari bir nechta vazn toifasida o‘zaro bellashishdi.

Jami 431 nafar dzyudochi qatnashgan O‘zbekiston chempionatining 13 yoshlilar bahsida mezbonlar umumjamoa hisobida birinchi o‘rinni egallashdi. Kuchli uchlikdan Samarqand va Qashqadaryo BO‘SM jamoalari joy olishdi.

E’tiborlisi, umumiy ishtirokchilarning 172 nafarini qiz bolalar tashkil etdi. Bu quvonarli hol, albatta. U-15 yosh toifasidagi O‘zbekiston chempionatida Navoiy viloyati jamoasi g‘oliblik shohsupasiga ko‘tarildi. Kuchli uchlikni Xorazm va Samarqand viloyati yosh dzyudochilari yakunlab berishdi.