Timoti Vea seshanba kuni Italiya Kubogi doirasida «Kalyari»ga qarshi o‘yinda zaxiradan maydonga tushdi va taxminan o‘n daqiqa o‘ynadi. Bu vaqt ichida «Yuventus»ning hujumkor yarim himoyachisi jarohat olishga muvaffaq bo‘ldi. «Keksa senyora» matbuot xizmati xabariga ko‘ra, 24 yoshli Veaga sonninn ikki boshli muskulining yengil jarohat olgani aniqlangan.
«The Athletic» xabariga ko‘ra, Veaga tiklanish uchun kamida ikki hafta kerak bo‘ladi. Demak, amerikalik 2024 yilning qolgan o‘yinlarida maydonga tushmaydi.
2024 yilda «Yuventus» Italiya chempionati doirasida «Monsa» (22 dekabr) va «Fiorentina» (29 dekabr) klublariga qarshi o‘yin o‘tkazadi. «Keksa senyora» ayni damda A Seriya turnir jadvalida oltinchi o‘rinni egallab turibdi.
