Тимоти Веа сешанба куни Италия Кубоги доирасида «Кальяри»га қарши ўйинда захирадан майдонга тушди ва тахминан ўн дақиқа ўйнади. Бу вақт ичида «Ювентус»нинг ҳужумкор ярим ҳимоячиси жароҳат олишга муваффақ бўлди. «Кекса сеньора» матбуот хизмати хабарига кўра, 24 ёшли Веага соннинн икки бошли мускулининг енгил жароҳат олгани аниқланган.

«The Athletic» хабарига кўра, Веага тикланиш учун камида икки ҳафта керак бўлади. Демак, америкалик 2024 йилнинг қолган ўйинларида майдонга тушмайди.

2024 йилда «Ювентус» Италия чемпионати доирасида «Монца» (22 декабрь) ва «Фиорентина» (29 декабрь) клубларига қарши ўйин ўтказади. «Кекса сеньора» айни дамда А Серия турнир жадвалида олтинчи ўринни эгаллаб турибди.