Reshford «MYU»dan qayoqqadir ketishi kerak bo‘lsa, «Barsa»ga yo‘l olishini istardim. Bu bir necha tomonlan foydali:
Markus uchun: Bolaligidan beri yurgan muhitini o‘zgartirsa va u joy Angliya bo‘lmasa, Resh futbolga bo‘lgan munosabatini o‘zgartirardi, ham o‘zi uchun yangi chaqiriq olib rivojlanish sari odimlardi;
«MYU» uchun: Markusning munosabatini Amorimdan oldingilar ham to‘g‘rilay olishmadi, buyog‘iga ham futbolchining qolishida foyda yo‘q;
«Barsa» uchun: Neymardan keyin nihoyat chap qanotning rosmana zo‘r vakili, egasi keladi va ikki qanot o‘rtasida balans paydo bo‘lib, Rafinya bemalol o‘nlik yo aldamchi to‘qqizlik pozisiyasiga jiddiy e’tibor qaratadi;
Futbol uchun: Bir paytlar Ronaldu-Messi kurashining davomini Mbappe va Reshffordda ko‘rish taxmin qilingandi. Hozir ayni shu intrigani boshqattan yuzaga keltirib, La Ligadagi shaxslar jangi ham pik darajaga qaytardi.
Xayrulla Hamidov.
