"PSJ" Viktor Osimxenni sotib olmoqchi.

RMC Sport nashrining xabar berishicha, parijliklar qishki transfer oynasi vaqtidagi harakatlar rejasini ishlab chiqishmoqda va yana bir bor e’tiborlarini Nigeriya terma jamoasi hujumchisiga qaratishgan. Fransiya jamoasi "Napoli"dan "Galatasaroy"ga ijaraga berilgan futbolchining vakillari bilan aloqaga chiqqan.

25 yoshli futbolchi "PSJ"ning qiziqishidan xabardor, biroq ayni paytda Turkiyadagi holatidan mamnun va u yerda o‘zini uyidagidek his qilmoqda.

Qayd etilishicha, bitim tuzish oson bo‘lmaydi. Birinchidan, parijliklar bosh murabbiyi Luis Enrike buni ma’qullaydimi yoki yo‘qmi, noma’lum. Ikkinchidan, "Galatasaroy" bilan ham, "Napoli" bilan ham kelishuvga erishish mumkinmi yoki yo‘qmi, noma’lum.

"PSJ" Osimxenni sotib olish imkoniyati bilan ijaraga olmoqchi. Keyingi harakatlar Angliya va Germaniya klublari hamda "Monako" qiziqish bildirayotgan Randal Kolo-Muanining klubda qolish yoki qolmasligiga bog‘liq bo‘ladi.

Joriy mavsumda Osimxen Turkiya chempionatida 10 ta o‘yin o‘tkazib, 7 ta gol urdi.