"ПСЖ" Виктор Осимхенни сотиб олмоқчи.
RMC Sport нашрининг хабар беришича, парижликлар қишки трансфер ойнаси вақтидаги ҳаракатлар режасини ишлаб чиқишмоқда ва яна бир бор эътиборларини Нигерия терма жамоаси ҳужумчисига қаратишган. Франция жамоаси "Наполи"дан "Галатасарой"га ижарага берилган футболчининг вакиллари билан алоқага чиққан.
25 ёшли футболчи "ПСЖ"нинг қизиқишидан хабардор, бироқ айни пайтда Туркиядаги ҳолатидан мамнун ва у ерда ўзини уйидагидек ҳис қилмоқда.
Қайд этилишича, битим тузиш осон бўлмайди. Биринчидан, парижликлар бош мураббийи Луис Энрике буни маъқуллайдими ёки йўқми, номаълум. Иккинчидан, "Галатасарой" билан ҳам, "Наполи" билан ҳам келишувга эришиш мумкинми ёки йўқми, номаълум.
"ПСЖ" Осимхенни сотиб олиш имконияти билан ижарага олмоқчи. Кейинги ҳаракатлар Англия ва Германия клублари ҳамда "Монако" қизиқиш билдираётган Рандал Коло-Муанининг клубда қолиш ёки қолмаслигига боғлиқ бўлади.
Жорий мавсумда Осимхен Туркия чемпионатида 10 та ўйин ўтказиб, 7 та гол урди.
