Danilo to‘pig‘idan jarohat olgani uchun "Monsa"ga qarshi o‘ynamaydi.

"Yuventus" A Seriyaning 17-turida "Monsa"ga qarshi safarda o‘ynaydi. Uchrashuv bugun Toshkent vaqti bilan 00:45da bo‘lib o‘tadi.

Ma’lumotlarga ko‘ra, shifokorlar himoyachining to‘pig‘ini yengil jarohat olganidan so‘ng qayta ko‘rikdan o‘tkazishgan. Bugun ertalab o‘tkazilgan testlar jamoa sardori hatto zaxira o‘yinchisi sifatida ham maydonga tushmasligini tasdiqladi.

Uning o‘rniga yarim himoyachi Ueston Makkenni chap qanot himoyachisi bo‘lishi kutilmoqda. Bunga Yunas Ruxining ham jarohat olgani sabab bo‘ldi.

Makkenni Italiya kubogi doirasida "Yuventus"ning "Kalyari" ustidan qozonilgan g‘alabasi (4:0) o‘yinida allaqachon shu pozisiyada o‘ynagan.