Braziliyaning "Flamengo" klubi hujum chizig‘ini kuchaytirish haqida o‘ylamoqda. Jamoaning sport direktori Xose Beto turli variantlarni ko‘rib chiqa boshladi.
"Bolavip" portali xabariga ko‘ra, klub dekabr oyi oxirida shartnomasi muddati tugaydigan hujumchi Gabriel Barbosa o‘rniga futbolchi olmoqchi. "Flamengo" jamoaga "Liverpul"ning sobiq futbolchisi, hozirda Saudiya Arabistonining "Al-Ahli" klubida to‘p tepayotgan Roberto Firminoni taklif qilishi mumkin. Braziliyalik futbolchining o‘n million yevrolik yuqori maoshi kelishuvga to‘siq bo‘lishi mumkin.
Saudiya Arabistoni chempionatining joriy mavsumida 33 yoshli forvard 12 ta o‘yin o‘tkazib, 3 ta gol urdi va 2 ta golli uzatmani amalga oshirdi.
