Бразилиянинг "Фламенго" клуби ҳужум чизиғини кучайтириш ҳақида ўйламоқда. Жамоанинг спорт директори Хосе Бето турли вариантларни кўриб чиқа бошлади.
"Bolavip" портали хабарига кўра, клуб декабрь ойи охирида шартномаси муддати тугайдиган ҳужумчи Габриэль Барбоса ўрнига футболчи олмоқчи. "Фламенго" жамоага "Ливерпуль"нинг собиқ футболчиси, ҳозирда Саудия Арабистонининг "Ал-Аҳли" клубида тўп тепаётган Роберто Фирминони таклиф қилиши мумкин. Бразилиялик футболчининг ўн миллион евролик юқори маоши келишувга тўсиқ бўлиши мумкин.
Саудия Арабистони чемпионатининг жорий мавсумида 33 ёшли форвард 12 та ўйин ўтказиб, 3 та гол урди ва 2 та голли узатмани амалга оширди.
