Fransiya kubogi 1/32 final bosqichi doirasida "Lans" va "Pari Sen-Jermen" jamoalari o‘zaro to‘qnash kelishdi.

Bahsning 66-daqiqasida mezbonlar hisobni ochishdi. To‘p burchakdan yetkazib berilganidan so‘ng Abduqodir Husanov o‘ng oyoq bilan to‘pn darvozaga joylab qo‘ydi.

Oradan ko‘p o‘tmasdan "Lans" himoyachisi Danzoning qo‘pol xatosidan so‘ng Gonsalo Ramush hisobni tenglashtirdi.

Penaltilar seriyasida esa "PSJ" 4:3 hisobida g‘alaba qozondi. Mehmonlar darvozaboni Safonov ikkita zarbani qaytarishga muvaffaq bo‘ldi. Abduqodir Husanov "Lans" safida penaltilar seriyasida ishtirok etmadi. Chunki u 90+6-daqiqada zaxiraga olingan edi.

Fransiya kubogi, 1/32 final
Lans – PSJ 1:1 (0:0, 1:1), penaltilar bo‘yicha - 3:4
Gollar: 1:0 – 66 Husanov, 1:1 – 70 Gonsalu Ramush.
Lans – Koffi, Machado (Chaves, 90), Frankovski, Medina, Danzo, Husanov (Sarr, 90+6), Diuf, El-Enaui, Tomasson (Sotoka, 89), Fyuljeni (David Koshta, 70), Nzola.
PSJ – Safonov, Mendesh, Pacho, Markinyos, Xakimi, Joau Nevesh, Vitinya, Fabian Ruis (Zair-Emeri, 57), Due (Gonsalu Ramush, 66), Li Kan In (Barkolya, 66), Dembele.
Ogohlantirishlar: Still (57), Markinyos (67), Husanov (75).