Londonning "Arsenal" klubi keyingi bir necha hafta davomida Bukayo Sakasiz o‘yinlarni o‘tkazadi. "The Times" xabariga ko‘ra, angliyalik futbolchi tizzasidan olgan jarohati tufayli 4-6 haftaga "kanonirlar" safida o‘ynay olmaydi. Bukayoning jarohati borasida "Arsenal"dan rasmiy xabar yo‘q.

Eslatib o‘tamiz, Saka bugungi "Arsenal"ning yulduz futbolchilaridan biri, shuningdek, butun Premyer-ligadagi eng qimmat futbolchilardan biri hisoblanadi. Joriy mavsumda u barcha musobaqalarda 24 ta o‘yinda 9 ta gol urdi va 13 ta golli uzatmani amalga oshirdi.

Saka "Kristal Pelas" - "Arsenal" uchrashuvining birinchi bo‘limida jarohat olgandi. Uchrashuv o‘tgan shanba kuni bo‘lib o‘tgan va "Arsenal"ning g‘alabasi bilan yakunlangandi - 5:1.