"Sporting" yaqinda tayinlangan murabbiy o‘rniga yangi murabbiy izlashiga to‘g‘ri keladi.

Ruben Amorim "Manchester Yunayted"ga ketganidan so‘ng 11 noyabr kuni tayinlangan Joau Pereyra yaqin orada ishdan bo‘shatilishi haqida xabarlar chiqdi. Yakuniy qaror hali qabul qilingani yo‘q, ammo barchasi shu natijaga qarab ketmoqda.

Rahbariyat Rojdestvo bayramidan keyin Pereyra bilan uchrashuv o‘tkazishi kutilmoqda, shundan so‘ng hamkorlikni tugatish bilan bog‘liq barcha byurokratik tafsilotlar hal qilinadi. Bu masala "Benfika" bilan o‘yingacha (29 dekabr) hal bo‘lishi kutilmoqda.

40 yoshli mutaxassis qo‘l ostida "Sporting" 8 o‘yin o‘tkazgan bo‘lsa, unda jamoa 4 marta mag‘lubiyat alamini totib ko‘rgan va bor-yo‘g‘i 3 marta g‘alaba qozongan. Ular 15-turdan keyin "Benfika"dan bir ochko ortda qolgan "Portu" bilan 2-o‘rinni bo‘lishib turibdi.