"Спортинг" яқинда тайинланган мураббий ўрнига янги мураббий излашига тўғри келади.
Рубен Аморим "Манчестер Юнайтед"га кетганидан сўнг 11 ноябрь куни тайинланган Жоау Перейра яқин орада ишдан бўшатилиши ҳақида хабарлар чиқди. Якуний қарор ҳали қабул қилингани йўқ, аммо барчаси шу натижага қараб кетмоқда.
Раҳбарият Рождество байрамидан кейин Перейра билан учрашув ўтказиши кутилмоқда, шундан сўнг ҳамкорликни тугатиш билан боғлиқ барча бюрократик тафсилотлар ҳал қилинади. Бу масала "Бенфика" билан ўйингача (29 декабрь) ҳал бўлиши кутилмоқда.
40 ёшли мутахассис қўл остида "Спортинг" 8 ўйин ўтказган бўлса, унда жамоа 4 марта мағлубият аламини тотиб кўрган ва бор-йўғи 3 марта ғалаба қозонган. Улар 15-турдан кейин "Бенфика"дан бир очко ортда қолган "Порту" билан 2-ўринни бўлишиб турибди.
