"Inter" prezidenti Juzeppe Marotta bosh murabbiy Simone Indzagining kelajak rejalari haqidagi so‘nggi bayonotiga izoh berdi.
48 yoshli mutaxassis yana ko‘p yillarni "neradzurrilar" boshqaruvida o‘tkazishni xohlashini tan oldi.
"Inzagining kelajak haqidagi so‘zlari? Natijalar o‘zi uchun gapiradi. U klubga juda yaxshi o‘rnashdi va o‘zini ajoyib murabbiy sifatida ko‘rsatdi. Ishonchim komilki, bizning hamkorligimiz uzoq vaqt davom etishi mumkin", dedi Marotta Sky Sport nashriga bergan intervyusida.
Simone Inzagining "Inter" bilan shartnomasi 2027 yilning yoziga qadar tuzilgan, biroq tez orada yana bir yilga uzaytirilishi mumkin. Murabbiy 2021/22 yilgi mavsum boshlanishidan oldin bu lavozimni egallagan.
