"Интер" президенти Жузеппе Маротта бош мураббий Симоне Индзагининг келажак режалари ҳақидаги сўнгги баёнотига изоҳ берди.
48 ёшли мутахассис яна кўп йилларни "нерадзуррилар" бошқарувида ўтказишни хоҳлашини тан олди.
"Инзагининг келажак ҳақидаги сўзлари? Натижалар ўзи учун гапиради. У клубга жуда яхши ўрнашди ва ўзини ажойиб мураббий сифатида кўрсатди. Ишончим комилки, бизнинг ҳамкорлигимиз узоқ вақт давом этиши мумкин", деди Маротта Sky Sport нашрига берган интервьюсида.
Симоне Инзагининг "Интер" билан шартномаси 2027 йилнинг ёзига қадар тузилган, бироқ тез орада яна бир йилга узайтирилиши мумкин. Мураббий 2021/22 йилги мавсум бошланишидан олдин бу лавозимни эгаллаган.
