"Barselona" yarim himoyachilari Pedri va Gavi tez orada klub bilan yangi shartnoma imzolaydi.
Ikkala yosh yarim himoyachi bilan deyarli erishilgan kelishuv haqidagi ma’lumotlar kuzda matbuotda paydo bo‘lgan edi. Diario Sport'ning yangilangan xabarlariga ko‘ra, Pedri va Gavining yangi kelishuvlari 2030 yilgacha mo‘ljallangan. Qolaversa, har ikki ispaniyalikning maoshi ko‘tariladi - "ko‘k-anorranglilar" rahbariyati ularning ishonchli o‘yinini taqdirlash kerak, deb hisoblamoqda.
22 yoshli Pedri va 20 yoshli Gavining amaldagi shartnomasi 2026 yilning o‘rtalarida tugaydi. Pedri ushbu mavsumda 25 o‘yinda 4 ta gol va 3 ta golli uzatmani amalga oshirgan bo‘lsa, ikkinchisi 13 o‘yinda bitta golli uzatmani amalga oshirgan.
