"Roma" hujumchisi Paulo Dibala jamoasini tark etishga shoshilmayapti.
"Galatasaroy" argentinalik futbolchini yanvarda o‘z safiga qo‘shib olmoqchi. Jurnalist Nikolo Skiraning xabar berishicha, turk grandi 31 yoshli futbolchiga 2027 yilgacha mo‘ljallangan foydali shartnoma taklif qilgan, biroq forvard qishda ketishni istamayapti va "Roma"da qolishni afzal ko‘rmoqda. Muzokaralar davom etmoqda.
"Roma" kelasi yozda Paulo Dibalani erkin agent sifatida yo‘qotishi mumkin - futbolchining amaldagi shartnomasi mavsum oxirida tugaydi.
Dibala ushbu mavsumda 19 ta o‘yinda 4 ta gol urdi va 2 ta golli uzatmani amalga oshirdi.
