Dortmundning “Borussiya” klubi darvozaboni Gregor Kobel faoliyatini “Manchester Yunayted”da davom ettirishi mumkin.

TEAMtalk xabariga ko‘ra, "Manchester Yunayted" bosh murabbiyi Ruben Amorim Kobelning futbol fazilatlarini yuqori baholaydi va uning Andre Onanaga raqobatchi bo‘lishini istaydi.

Ta’kidlanishicha, portugaliyalik murabbiy 27 yoshli shveysariyalik bilan shartnoma imzolash istagi haqida direktorlar kengashiga ma’lum qilgan.

Joriy mavsumda Kobel barcha turnirlarda 20 ta o‘yin o‘tkazib, 28 ta gol o‘tkazib yubordi va olti marta o‘z darvozasi daxlsizligini saqlab qola oldi.