Madridning “Real” klubi “Bavariya” yarim himoyachisi Joshua Kimmixga qiziqish bildirmoqda. 29 yoshli futbolchining myunxenliklar bilan shartnomasi mavsum yakunlanganidan keyin nihoyasiga yetadi.
Ma’lumotlarga ko‘ra, "Bavariya" rahbariyati yarim himoyachiga ultimatum qo‘ygan va u yanvar oyi boshiga qadar o‘z kelajagi haqida qaror qabul qilishi kerak. Ayni paytda, "Real Madrid" vaziyatni diqqat bilan kuzatib bormoqda.
Madrid klubi Kimmixni 2024 yilning yozida faoliyatini yakunlagan Toni Kroosning o‘rnini bosuvchi futbolchi sifatida ko‘rmoqda. Joshua Kimmix "Bavariya"da 2015 yildan buyon o‘ynab kelmoqda.
Joriy mavsumda u myunxenliklar safida 24 ta o‘yinda maydonga tushib, 1 ta gol va 6 ta golli uzatmaga mualliflik qilgan.
