Мадриднинг “Реал” клуби “Бавария” ярим ҳимоячиси Жошуа Киммихга қизиқиш билдирмоқда. 29 ёшли футболчининг мюнхенликлар билан шартномаси мавсум якунланганидан кейин ниҳоясига етади.
Маълумотларга кўра, "Бавария" раҳбарияти ярим ҳимоячига ультиматум қўйган ва у январ ойи бошига қадар ўз келажаги ҳақида қарор қабул қилиши керак. Айни пайтда, "Реал Мадрид" вазиятни диққат билан кузатиб бормоқда.
Мадрид клуби Киммихни 2024 йилнинг ёзида фаолиятини якунлаган Тони Крооснинг ўрнини босувчи футболчи сифатида кўрмоқда. Жошуа Киммих "Бавария"да 2015 йилдан буён ўйнаб келмоқда.
Жорий мавсумда у мюнхенликлар сафида 24 та ўйинда майдонга тушиб, 1 та гол ва 6 та голли узатмага муаллифлик қилган.
