Yaqinda "PSJ" 2023 yilning yozida o‘z safiga qo‘shilgan Marko Asensioni sotishga tayyorligi haqida xabar paydo bo‘ldi. Bu mish-mishlar fonida La Liga klublari faollashib, o‘z tarkibini shunday futbolchi bilan mustahkamlashga intilmoqda.

28 yoshli vingerga "Real Sosyedad", "Vilyarreal", "Betis" va "Malyorka" klublari qiziqish bildirmoqda. Biroq, Asensio professional darajada ilk qadamlarini tashlagan “qizil-qoralar”ga qaytish futbolchining yuqori maoshi tufayli, orolliklarning moliyaviy ahvolini qiyinlashtirib yuboradigandek tuyuladi. Boshqa tomondan, "Real Sosyedad" va "Betis" kabi klublar unga yevrokuboklarda o‘ynash imkoniyatiga ega raqobatbardosh loyihani taklif qilishlari mumkin.

"Vilyarreal" ham jozibador joy bo‘lardi, ayniqsa qanot hujumchisining xususiyatlariga mos keladigan hujumkor o‘yin uslubi tufayli. Agar "PSJ" futbolchini sota olmasa, fransuzlar uni mavsum oxirigacha ijaraga berishga rozi bo‘lishadi.

Joriy mavsumda Marko Asensio 15 ta o‘yin o‘tkazib, 2 ta gol va 4 ta golli uzatmani amalga oshirgan.