"Manchester Yunayted" yarim himoyachisi Bruno Fernandesh jamoasini yana ozchilikda qolishga majbur qildi.
“Qizil iblislar” sardori payshanba kungi “bo‘rilar”ga qarshi o‘yinning 47-daqiqasida qizil kartochka oldi.
Bu vaqtga kelib tabloda hisob ochilmagan edi, keyin esa “bo‘rilar” javobsiz ikkita gol urib, g‘alaba qozonishdi.
Fernandesh uchun bu joriy mavsumdagi uchinchi chetlatish bo‘ldi. Opta xabariga ko‘ra, portugaliyalik hujumkor yarim himoyachi Nemanya Vidichdan keyin bir mavsumda uchta qizil kartochka olgan birinchi "Manchester Yunayted" futbolchisi bo‘ldi.
Serbiyalik sobiq himoyachi 2008/09 yilgi mavsumda ham xuddi shunday ko‘rsatkichni qayd etgandi.
