"Манчестер Юнайтед" ярим ҳимоячиси Бруно Фернандеш жамоасини яна озчиликда қолишга мажбур қилди.
“Қизил иблислар” сардори пайшанба кунги “бўрилар”га қарши ўйиннинг 47-дақиқасида қизил карточка олди.
Бу вақтга келиб таблода ҳисоб очилмаган эди, кейин эса “бўрилар” жавобсиз иккита гол уриб, ғалаба қозонишди.
Фернандеш учун бу жорий мавсумдаги учинчи четлатиш бўлди. Opta хабарига кўра, португалиялик ҳужумкор ярим ҳимоячи Неманья Видичдан кейин бир мавсумда учта қизил карточка олган биринчи "Манчестер Юнайтед" футболчиси бўлди.
Сербиялик собиқ ҳимоячи 2008/09 йилги мавсумда ҳам худди шундай кўрсаткични қайд этганди.
