Jud Bellingem "Real Madrid" futbolchilarining ambisiyalari haqida gapirdi.
27 dekabr kuni ingliz futbolchisi yilning eng yaxshi yarim himoyachisi sifatida Globe Soccer Awards mukofotini oldi.
"Barchangizga va Globe Soccer kompaniyasiga taklif uchun rahmat. Ko‘plab afsonaviy futbolchilarni ko‘rish juda ajoyib bo‘ldi.
Bu sovrinni qo‘lga kiritish men uchun katta sharaf. Buni jamoadoshlarim, murabbiylar shtabi va oilamsiz amalga oshirish mumkin emas edi. Barchangizga katta rahmat.
"Real Madrid" bilan chempionlikni qo‘lga kiritishga umid qilgandim. Dunyoning eng yaxshi klubi bilan shartnoma imzoladim. Menda eng yaxshi jamoadoshlarim va eng yaxshi murabbiylar shtabi bor. Men ko‘proq g‘alaba qozonishga chanqoqman. Bir yil ichida beshta chempionlik yaxshi, lekin biz bu avlod futbolchilari bilan yana ko‘p yillar ishlashni va “Real” tarixini yaratishda davom etishni istaymiz", dedi Bellingem.
"Los-Blankos" tarkibida Jud Ispaniya chempioni, Chempionlar ligasi va Ispaniya Superkubogi, Yevropa Superkubogi va Qit’alararo Kubok g‘olibi bo‘ldi.
