"Manchester Siti" Portugaliya terma jamoasi yarim himoyachisi Bernardu Silva bilan shartnomani uzaytirish borasida muzokaralar olib bormoqda.
Futbolchi hamon jamoaning muhim qismidir. Silvaning o‘zi "Manchester Siti"da o‘ynashni davom ettirishga tayyorligini ta’kidladi. Portugaliyalikning 2026 yilning iyunida tugaydigan amaldagi shartnomasi 2027 yilgacha, hattoki 2028 yilgacha uzaytirilishi mumkin.
Silva 2017 yilning iyul oyida "Monako"dan "Manchester Siti"ga o‘tgan edi. Joriy mavsumda 30 yoshli hujumkor yarim himoyachi barcha turnirlarda 26 ta o‘yin o‘tkazib, 3 ta gol urdi va 4 ta golli uzatmani amalga oshirdi.
